الأحد , 15 ديسمبر 2019 - 10:15 صباحًا
رئيس التحرير محمد السيد
المشرف العام حسن ثابت هويدى
مستشار التحرير د.صباح الحكيم

لا تقولي فسيخ ولا رنجة … طريقة جديدة للكابوريا ( الجراتان) محبي السي فود هتحبوها جدااا

يلا نشوف بتتعمل أزي هي تعتبر زي مقبلات ممكن تضيفي فيها أي حاجة تحبيها

للشف / عاطف علي

الطريقة ………..
* كابوريا مسلوقة عادي بتتسلق طبعا تتغسل الأول وتتحط في حلة وعليها بصلة مقطعه وملح وفلفل اسود وممكن فص توم بحاله تتحط على النار أول ما تغير لونها للون البرتقالي تكون بكدا أستوت نسيبها تبرد خالص ويفضل تتحط في الثلاجة يعني تسلوقيها قبلها بيوم علشان تقدري تفصاصيها بسرعة وتكون مفرولة معكي بعد ما نفصصها ممكن هنا نحط عليها سمك اي سمك عندك مشوي أو مقلي مقطع يتفصص برضه وممكن تحطي فيها خضار بسلة وجزر وبطاطس مسلوقين ومعلقتين مايونيز ومعلقتين مستردة ده لو بتحبي طعمها ومعلقتين جبنة شيدر أو ممكن جبنة رومي مبشورة وملح وفلفل بس خالي بالك هنا من الملح علشان المايونيز والمستردة فيها ملح .. بعد ما تخلصي من الخلطة تسبيها في الثلاجة حوالي ساعة أثناء ما الخلطة في الثلاجة بنأخد أغطية الكابورية ونغسلها كويس علشان هنحط فيها الخلطة ونسيبها تنشف لحد ما نعمل البشامل ……….

البشاميل بقى
*********
٤ ملاعق دقيق .. ٤ ملاعق زبدة
كوب لبن وكوب شوربة ممكن هنا نحط مكعب مرقة وبدل كوب الشوربة كوب ميه
ملح وفلفل ومعلقتين جبنة رومي او شيدر
الطريقة
*****
بنحط الزبدة في حلة على النار وبعد كدا نحط الدقيق ونقلبه لحد ما لونه يكون ذهبي وبعد كدا نحط اللبن والشوربة او المية ومكعب المرقة والملح والفلفل والجبنة ونقلب كويس لحد مايتقل معانا وبعد كدا هيكون جاهز …………
طريقة التحضير النهائي …….
نطلع الخلطة من الثلاجة ونروص أغطية الكابوريا في صنية فرن ونحط في كل واحدة الخلطة ونحط عليها معلقة كبير أو نغطيها بالبشاميل ونحطها في الفرن أو تحت الشواية لحد ما وشها يكون زي الصور كدا حاجة جديدة وممكن تعمليها لضيوفك هتعجبهم أكيد وبالف هنا

شاركها:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *