السبت , 21 سبتمبر 2019 - 1:03 مساءً
رئيس التحرير محمد السيد
المشرف العام حسن ثابت هويدى
مستشار التحرير د.صباح الحكيم
أخبار عاجلة

منى بدره تكتب- خليك نموذج قوي

أخبار النهاردة- بقلم – منى بدره

مبحبش جو إن المسلم شخصية ضعيفة.. مبيعرفش يرد…مبيعرفش ياخد حقه.. تقوم الناس تيجي عليه…بحجة دينه!!!
لأ ديننا علمنا ناخد حقنا ازاي .. ونرد ازاي… وفي نفس الوقت منجيش على حق غيرنا ازاي… المسألة مسألة وعي… انه ازاي وامتى ومع مين اعمل كده؟ اتعلم واجتهد..

مبحبش جو ان المسلم مبهدل في نفسه.. شكلا… ماديا… واجتماعيا.. بحجة انه زاهد عن الدنيا!!
المطلوب هو الزهد القلبي… انك متتعلقشي بالدنيا…ان يكون عندك اخلاص في اللي بتعمله انه لوجه الله مش للبشر… المطلوب الزهد ان سعيك يكون للاخرة اكتر من انك تمتلك الدنيا…. المطلوب الزهد عن طلب رضا الناس وتركز في رضا اللي خلقك!!!! مش المطلوب ابدا الزهد يعني البهدلة وقلة القيمة… اذا كان ربنا قالنا واما بنعمة ربك فحدث!!!

بلاش جو الانكسار والبهدلة وضعف الشخصية وقلة القيمة اللي جايبانا لورا….
زمان كان بيتهدلهم جبال من قوة شخصيتهم وشطارتهم وفي نفس الوقت رحمتهم بغيرهم ورقتهم!!!
ديننا اقوى وارقى من كده… ديننا بيحب النظافة والجمال والاستمتاع بنعم ربنا المسموح بيها…
ديننا اللي قالنا (المؤمن القوي خير وأحب إلى الله من المؤمن الضعيف)💕💕💕

شاركها:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *