الثلاثاء , 2 يونيو 2020 - 5:55 صباحًا
رئيس التحرير محمد السيد
المشرف العام حسن ثابت هويدى
مستشار التحرير د.صباح الحكيم

قلب الجدع وَلَعْ …للشاعرة / سمية الجعفري

أخبار النهاردة- كلمات الشاعرة / سمية الجعفرى

صبية حلوة ، ماشية ع الرملة بتدلع ..

لابسه ملاية لف ، الوسط بيتقصع ..

زَاينْهَا خلخال ، تضرب بكعبها يلعلع

شافها واد حليوة ، و مَجدعْ ..

من جمال قدًها ، وَلع ..

مشي وراها  و مع كل خطوة ، دقة القلب بتْسَمَعْ ..

مَيل عليها و قال : يا حلو يا اللي ماشي ، بتتقصع ..

أنا و الله قلبي من رنة خلخالك ، إتقطع ..

ضحكت و القدً مَاَلْ ، بعدين معاك يا واد ، اَرجعْ ..

اَبعد و اروح على فين !! أنا نَفْسِي في نظرة عين ..

بعدين ابويه يشوفك ، و الله لتتقطع ..

أنا راضي اتقطع ، دا جمال القدً ، ليه القلوب تركع ..

بأقولك ايه يا جميل.. قرب عليا و مِيل ..

إديني نظرة يا دوب ، أنا راضي و لو إنه قليل ..

عاوز اشوف العين ، و الكحل ع الرمشين ..

إتلفْ القدً الزين 

غمزتله بطرف العين ..

قمر سبحان من صور ، العين و لا اجمل ..

بنظرة القلوب ، تركع ..

الشَفَةْ حَبَاتْ رُمان ، إتفرط م الأغصان 

وعلى شفايفها إتجمع ..

زَاينْ خدودها ورود ، إتقطفت من أجمل عُود 

حَمارها بيضوي و يَلْمَعْ ..

اتلخبط كيان الواد ، و قال لها كلام في القلب ، بيْسَمَعْ ..

و حياة عيونك ، اللي ليها القلوب تركع ..

و حياة شفايفك ، اللي شهدها يِطَمَعْ ..

و حياة خدودك ، اللي بتضوي و بتلمع ..

ارضي تكوني قمر زاين سمايه ، كل يوم يطلع ..

ارضي اغطيكي بكفوفي ، تاج ع الراس اَرفع ..

ارضي ، اَلمَعْ العين بالفرح ، ولا في يوم تَدْمَعْ ..

ارضي ، صدرك يكون لي مَخْدَعْ ..

وافقي تكوني حلالي..

دانا واد حليوة و مجدع ..

شاركها:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *